Todos tenemos uzos i kostumbres diferentes, keremos partajarlos kon vozotros.  En vezes, estas ideas pueden trokar en este mundo ke bivimos, keremos kontarlas a otros komo mos sentimos o dar a saver a otros de muestras eksperiensias.

      En este sityo, vash a topar ideas ke pudyerash komunikarlas al mundo entero.  Komunikando, no es siempre fasil, lo intentaremos de azerlo kon fotos ande seyga menester para transmeterlo mas fasil.  Akodravosh ke en metyendo una foto, pudierash pasar las ideas fasilmente.  Tanbien, en metyendo espesifikamente informasyones, se puede pasar el punto a otros.  De esta forma, se van a ver las personas ke eskrivieron estos dokumentos.

      Si devemos salvar una lingua, lo devemos de azer en transmetyendola por muestros ijos.

La misyon de este sityo, "MuestraLingua" es:

      De ofreser a muestros lektores, la valor djusta del Djudeo-Espanyol para ke kede una lingua biva por otros 500 anyos.  Vamos a meter en linguas diferentes para fasilitar i enkorajar muestros lektores kon artikolos, lesyones i mas.  I esto, pensamos akomplirlo en demandando a los lektores.