Make your own free website on Tripod.com
Lisyones de Judeo-Espanyol |
MuestraLingua
Verbo FRAGUAR/FRAGUARSE, lo kontraryo es derrokar/se (to build/oneself, to construct, opposite of demolish)

por Avram Gamliel

Indikativo

Prezente _____________________|--> Egzemplos: 1.  Kuando te fraguas una kaza, te salen munchos gastes.
2.  Todo lo ke fraguan oy, no siempre es mijor de lo ke aziyan antes.


Pasado Simple ________________|--> Egzemplos: 1.   Fragüí unas kazikas de papel en djugando kon mi'rmaniko, i era el ke me las derrokava syempre.
2.  Las urmigas, fraguaron debasho la tierra unos pasajes ke ni puide kreyerme.

Pasado Imperfekto ____________|--> Egzemplos: 1.  Las piramidas, se fraguavan en pasandosen los planos de padre a ijo.
2.  Mos fraguavash lo mizmo, ke vos fraguatesh vozotros?

Subjontivo

Prezente _____________________|--> Egzemplos: 1.  No kijites ke te fragüe un sityo en Internet? 2.  El padre le disho a su ijo ke se kazava: "Lo mijor va ser, ke te fragüemos una kaza para ti i tu novya i kuando tendras mos pagas lo ke te emprestimos, El Dyo es grande"!


Imperfekto ___________________|--> Egzemplos: 1.  No seriya mas barato si el empyegado mos fraguariya una pare(d) entre las 2 entradas.
2.  Si el motor del oto mos aze problemas, lo fraguariyamos i mos kedaria el oto, kaje muevo por otros 5 anyos.

Futuro ______________________|--> Egzemplos: 1.  Ke dizes? Metemos todo muevo o fraguaremos ensima de lo ke tenemos?
2.   Fraguaremos debasho, una kamareta de los chikos para ke puedan djugar ayi.

Imperativo ___________________|--> Egzemplo: No fragüesh sin pensar, fraguád kon planos

Partisipyo

Prezente _____________________|--> Egzemplo: Tenyendo los planos en frente de eyos, en fraguando , ya lo vyeron ke avian ganado muncho tyempo.

Pasado ______________________|--> Egzemplo: El palasyo del Sultan se lo aviyan fraguado al lado del riyo.

Refranes: 1.   Fraguando , mas vale la kalida ke la kantida. 2.  Avagar, avagar el pasharo se fragua su nido.

Yo fraguo
Tu fraguas
El/Eya fragua

Mozotros fraguamos
Vozotros fraguash
Eyos/Eyas fraguan

Yo fragüí
Tu fraguates
El/Eya fraguó

Mozotros fragüímos
Vozotros fraguatesh
Eyos/Eyas fraguaron


Yo fraguava
Tu fraguavas
El/Eya fraguava

Mozotros fraguavamos
Vozotros fraguavash
Eyos/Eyas fraguavan



Ke yo fragüe
Ke tu fragües
Ke el/eya fragüe

Ke mozotros fragüemos
Ke vozotros fragüesh
Ke eyos/eyas fragüen



Yo fraguariya
Tu fraguariyas
El/eya fraguariya

Mozotros fraguariyamos
Vozotros fraguariyash
Eyos/eyas fraguariyan


Yo fraguaré
Tu fraguarás
El/eya fraguará

Mozotros fraguaremos
Vozotros fraguaresh
Eyos/eyas fraguarán

Fragua, no fragües
Fraguá/fraguád, no fragüesh




Fraguando






Fraguado/a


NOTA:

1.  Todos los kavsos de la "Ü", "ü", se pronosyan
2.  Los aksentos de enriva komo: "Á", "á", "É", "é", "Í", "í", "Ó", "ó", "Ú", "ú", mos amostran ke esta letra es la ke tyene el aksento.