Make your own free website on Tripod.com
Lisyones de Judeo-Espanyol |
MuestraLingua
Prezente del Indikativo de los verbos SER i ESTAR (= to be)

por Rachel Bortnick


SER: se uza para kualidades intrinsikas, para identifiar, para la ora, los dias, etc...

Egzemplos: Yo se la ija de Yusef i Sara, tu ken sos? El es profesor. Oy es martes. Son las ocho. Mozotros semos amigos, djudyos, sefaradim, ...)

Yo se/so
Tu sos
El/Eya es

Mozotros semos
Vozotros sosh
Eyos/Eyas son


Refranes:

1. Dime kon ken vas, te dire ken sos.
2. La pasensya es pan i sensya.


ESTAR: se uza para lugares

Egzemplos: Yo esto aki. Ande estas tu? Estamoz en kaza.
Para kondisyones temporales i deskriptivas: Estó kansada/ kansado. Estamos en pies/asentados. Oy está kalor/friyo.
Tanbien komo verbo ogziliaryo para konjugar el tiempo progresivo: Yo esto eskriviendo. Vozotros estash meldando.

Yo estó
Tu estás
El/Eya está

Mozotros estamos
Vozotros estásh
Eyos/Eyas están


Dichas idiomatikas:
1. Estar en buenas kon alguno. (to be in good terms with somebody)
2. Estar para ... (to be just about to...). Estó para salir. (I am just about to leave ). Unos dizen "estó por salir".