Make your own free website on Tripod.com
Archivo |
MuestraLingua
Hanukiya; Actual Size=100 pixels wide Hanuka 2001

No. 01

Este bilmedje (puzzle) es para envanesermos, el ke divina lo mas de las kestyones, vamos a postarlo aki i lo/la vamos a montar en una siya alta.

      • Data limita:  El diya de alkavo de Hanuka
      • Se enbiya a:  ladinokomunita@yahoo.es
      • Meter vuestro nombre, la sivdad i el pais ande bivish

Ken tyendra una buena memorya? Ken se akodra de antes muncho tyempo de Hanuka en el viejo pais? Aki vash a topar unas kuantas kestyones i ke no todas son de Hanuka de al tyempo.

  • En el Kal aviya muncha djente.  Un serseri (dummy) demando a uno ke ve metyendo kandelas en la Hanukiya.  Dime: "Kuantas kandelas tyene La Hanukiya?"  El le disho: "Ocho (8)!" Kyen era el?

  • Ham Moshon Gilboa, bivia en una kaleja.  Por la parte derecha teniya uno ke se yamava Michel Leblanc.  Por la parte syedra teniya otro ke se yamava Alex Schumacher.  El ke biviya en frente se yamava Jason A. McAbby.  Komo ya eran las fiestas de los kristyanos (Noel) i de los Djudyos (Hanuka), los 4 vizinos se vyeron en la kaye i se kontavan konsejikas.  Moshon les dize a Michel kon Alex: "Somos dos Djudyos, i dos Kristyanos!"  Jason le grita: "No dos!  Somos tres Kristyanos!"  Kualo es ke le paresyo a Moshon?

  • El Prezidente Bush kon Collin Powell vinyeron a Almanya en kamino a Washington.  Ya prometyeron ke El Taliban ya esta de un momento al otro para kayer.  Dan Rather ke aviya entrevisto mucha djente por Al Q'aeda i disheron lo mizmo.  Aviya otra ke se yamava Yael.  Dan le demando a Yael (porke ya lo supo ke era una Djudiya i no deviya tener ni una idea de lo ke se pasa en Afganistan): Agora ke tenesh Hanuka, ke dizes tu?  Le disho ke eya ya lo supo de antes!  Komo es ke lo supo esto?

  • En Hanuka todos estan alegres kon el Hag ke vino.  Mirando a su redonda Sinyor Hakim estava deskansando, asentado ensima de una siya, todos los otros estavan kantando, baylando i las kriaturas korriendo por aki por aya.  Mijor dizir todos estavan en pies!  Se riyo Musyu Hakim en dizyendose: "Solo yo se deke estan en pies!"  Kyen mos puede dizir, kualo le paresyo a este Musyu Hakim?

  • Aserkando de Hanuka, un kumardji (gambler) se aprontava vazyar todo lo ke teniya en su kumbara (piggy bank) i las paraikas ke teniya en las aldikeras i lo ke arekojo por Hanuka i se iva ir a Las Vegas para ganar milyones (segun lo ke penso).  En kamino ve muncha djente i avla kon eyos i ve ke el mundo no es solo juguar a kartas.  Uno de estos diyas se alevanto i ya esta pronto por el kumar.  Su realizasyon era ke toda la djente saven kontar asta mil, otros mizmo asta un milyon.  El, no entediya ke saven kontar este tanto.  Vido una kriatura de tres anyos ke kontava fin a 10 i otra kriatura de 2 anyos ke kontava fina 20!  Realizo, ke el no save kontar tanto.  Asta kuanto saviya kontar este kumardji?

  • Le dizen a un hashon (slob) ke no save muncho de Hanuka, ke en kada parte del mundo tyenen diferentes uzos.  Si tenesh un buen tino, puedesh ayudarle a este hashon para ke mas no se le karishtreye (confuse) i meter kada pedaso de komida en orden de su sivdad.  El modo de azer es tomar uno de los numeros i atar a la letra ke korresponde:  Si topash ke el 1 korresponde a B, devesh meter "1B".  De esta mizma manera para los numeros de 1 a 9.

    1. Beignets
    2. Bu˝uelos
    3. Burmuelos
    4. Doughnuts
    5. Frittella
    6. Latkes
    7. Levivot
    8. Lokma
    9. Sufganiyot

    1. Barcelona
    2. Haifa
    3. Istanbul
    4. Karak÷y
    5. Milano
    6. New Orleans
    7. New Jersey
    8. Tel Aviv
    9. Warsawa
  • La primera Hanukiya kemava:

    1. Sera
    2. Kimur
    3. Kandela
    4. Azete
    5. Gazolina

  • Kuantas kandelas toma una Hanukiya?  Una Mnora (Menora)?  I kuantos diyas tyene Hanuka?

  • Agora, so yo ke me lo olvido todo!  Ken se puede akodrar, kuala era la primera kestyon?

                                                 ( ( ) )
  (
( ) )   ( ( ) )   ( ( ) )   ( ( ) )      [ ]     ( ( ) )   ( ( ) )   ( ( ) )   ( ( ) )
    [ ]        [ ]        [ ]        [ ]        [ ]        [ ]        [ ]       [ ]        [ ]

    [ ]        [ ]        [ ]        [ ]
  __/_\__   [ ]        [ ]       [ ]        [ ]
     ( )       ( )        ( )        ( )   
\/       \/    ( )       ( )       ( )       ( )
      ( )       ( )       ( )        ( )   
/\___/\    ( )       ( )       ( )      ( )
        ( )       ( )       ( )       ( )      
\./       ( )       ( )      ( )      ( )
          ( )       ( )       ( )      ( )    
|| ||     ( )      ( )      ( )      ( )
             ( )       ( )      ( )     ( )   
|| ||    ( )     ( )      ( )     ( )
                 ( )      ( )     ( )    ( )  
|| ||   ( )    ( )    ( )     ( )
                      ( )     ( )    ( )   ( )
|| || ( )   ( )    ( )    ( )
                           ( )    ( )    ( )  
||| |||   ( )   ( )   ( )
                               ( )   ( )   ( )
||| ||| ( )   ( )   ( )
                                    ( )   ( )  
||| |||   ( )   ( )  
                                        ( ) ( )
||| ||| ( ) ( )
                                            ( )
|||| |||| ( )
                                             |||||||||||||||||
                                         |||||||||||||||||||||||||
                                     |||||||||||||||||||||||||||||||||


Repuestas:

  1. El era El Shamash i metiya 8 kandelas (sin el shamash).
  2. A Ham Moshon se le asemejo ke el vizino de en frente se yama Yeuda Amakabi.
  3. Yael lo supo ke "Al Q'aida" ivan a gostar "La Kayida".
  4. A Hakim le paresyo ke todos tyenen algujas i alfinetes debasho, porke todos estavan en pies.
  5. El kumardji saviya kontar asta ..... papaz!  (uno, dos, tres, kuatro, sinko, seysh, syete, ocho, mueve, dyes, vale, damma, papaz).
  6. "1F",  "2A",  "3C",  "4G",  "5E",  "6I",  "7B",  "8D",  "9H".  I otras kuantas kombinasyones. Por egsemplo: si una famiya de Italya, bivyendo en Haifa iva ser "4B" ke es tanbien djusto.
  7. Azete.
  8. 9, 7, 8.  Uvyeran otros ke ivan a dizir: 8, 6, 7 u otra kombinasyon ke no son djustas.
  9. Ken tyendra una buena memorya.

Malorozamente, dingunos respondyeron las 8 (9) kestyones korrektas. Entonses, la siya keda vaziya - sin myembro ensima!